هجمات اسطنبول.. تورط أمريكا وفرنسا فى تمويل العمليات الارهابية داخل تركيا

هجمات اسطنبول.. تورط أمريكا وفرنسا فى تمويل العمليات الارهابية داخل تركيا https://youtu.be/Sc7ye2XTQN8?si=elTkuB0jo47In_aP عبر @YouTube


النقط الحمراء اللى حضرتك شايفها دى.. هى العمليات الارهابية اللى اتنفذت فى تركيا والدول اللى حوليها خلال الفترة اللى فاتت.. وزى ما حضرتك شايف كده.. فأكبر تجمع للنقط الحمراء أو العمليات الارهابية موجود فى تركيا.. خصوصا فى الجنوب والجنوب الشرقى.. اللى هى المنطقة اللى بتربطها حدود واحده مع سوريا والعراق وايران.. ليه المنطقة دى تحديدا؟.. لان حزب العمال الكردستانى عايز يقسم تركيا.. ويعلن المنطقة دى دولة مستقله للأكراد اللى عايشين فى الأربع دول.. تركيا وسوريا والعراق وايران.. حلو كده؟.. أقولك لأ مش حلو..
لأن يوم الثلاثاء اللى فات.. اتعرض قصر العدل التركى الموجود فى مدينة اسطنبول.. لهجوم ارهابى مات فيه 3 واتصاب 5 منهم 2 مدنيين و3 ظباط أتراك.. لكن اللى اهم واخطر من الهجوم نفسه.. هو انه مش أول هجوم ولا حتى الأخير.. لأن حزب التحرير الشعبى اللى نفذ الهجوم.. نفذ قبله هجمات نجح فيها انه يغتال رئيس الوزراء التركى وهو قاعد فى مكتبه.. واغتيال وزير العدل التركى وهو قاعد فى مكتبه.. واغتيال المدعى العام التركى،، برده وهو قاعد فى مكتبه.. الارهابيين دول كانو بيقدرو يوصلو لمكاتب المسؤولين ويغتالوهم واحد ورا التانى وهما قاعدين على كراسيهم جوه مكاتبهم وسط رجالتهم.. لا كان بيفرق معاهم المخابرات التركية ولا الجيش التركى ولا الشرطة التركية ولا أى حد.. كانو بيوصلو لمكاتب المسؤولين ويدخلوها ويغتالوهم وهما قاعدين فى مكاتبهم..




https://youtu.be/Sc7ye2XTQN8?si=elTkuB0jo47In_aP